Ministrja e Jashtëm e Gjermanisë udhëton sot në Izrael për të kërkuar shtensionim

Ministrja e Jashtme e Gjermanisë, Annalena Baerbock do të udhëtojë sot në Izrael për diskutime se si të parandalohet një përshkallëzim i tensioneve në rajon pas sulmit të Iranit gjatë fundjavës.

Ajo është shprehur se të gjithë duhet punuar së bashku për të kontribuar në shtensionim për të gjithë rajonin.

“Është tepër e rëndësishme për ne si qeveri gjermane në këto kohë të brishta që të gjithë të punojmë së bashku për të kontribuar në de-përshkallëzimin për të gjithë rajonin”, është shprehur ministrja.