Ministri i Jashtëm rus viziton për herë të parë një vend të BE-së që nga fillimi i luftës Rusi-Ukrainë

Ministri i Jashtëm rus, Sergei Lavrov ka udhëtuar në Maltë për një samit të sigurisë evropiane, duke shënuar vizitën e tij të parë në një shtet të BE-së që nga fillimi i luftës mes Rusisë dhe Ukrainës.

Homologu i tij ukrainas, Andriy Sybiga, i cili po merr pjesë gjithashtu në takimin e Organizatës për Siguri dhe Bashkëpunim në Evropë (OSBE), doli nga salla përpara fjalëve të Lavrov, sipas ministrisë së Jashtme të vendit, shkruan BBC, transmeton Klankosova.tv.

Pjesëmarrja e Lavrov ka rezultuar e diskutueshme, me ministrin e Jashtëm të Polonisë që refuzoi ta takonte atë dhe Sybiga e cilësoi diplomatin si “kriminel lufte”.

Ministri i Jashtëm rus akuzoi Perëndimin për nxitjen e një Lufte të re të Ftohtë “me një rrezik shumë më të madh të një tranzicioni në një luftë të nxehtë”.