Milani dhe Interi nuk nxjerrin fitues nga ndeshja e parë gjysmëfinale

Milani dhe Interi kanë barazuar 1:1 në ndeshjen e parë gjysmëfinale të Kupës së Italisë.

Pjesa e parë nuk pa gola, ndërkaq e dyta nisi me vrull nga Kuqezinjtë, të cilët gjetën avantazhin përmes Tammy Abrahamit dy minuta pasi rinisi loja.

Ndërkaq, shifrat i barazoi i urryeri i Milanit, Hakan Calhanoglu, 20 minuta më vonë.

Në ndeshjen e kthimit e cila zhvillohet më 23 prill pritet të vendoset finalisti midis dy rivalëve të përbetuar të qytetit.