Merino lëndohet rëndë, jashtë fushave për disa muaj

Mikel Merino ka pësuar një lëndim serioz dhe do të mungojë për disa muaj te Arsenali.

Mesfushori spanjoll ka thyer një kockë në shputën e këmbës, dëmtim që e detyron të ndalet për një periudhë të gjatë jashtë fushës.

Sipas raportimeve të Marcas, objektivi i stafit mjekësor të Arsenalit është rikuperimi i Merinos para përfundimit të sezonit, edhe pse koha e rikthimit mbetet ende e paqartë.

Klubi londinez pritet të publikojë së shpejti një komunikatë zyrtare mbi gjendjen e lojtarit.

Ndërkohë, drejtuesit e Arsenalit po shqyrtojnë tregun e mesfushorëve në orët e fundit të afatir dimëror, për të mbuluar mungesën e spanjollit dhe për të ruajtur ekuilibrin e skuadrës në garën për objektivat e sezonit.