Mbretëresha Elizabeth nuk përmendet më si ‘Madhëria e saj, Mbretëresha’ – Ja pse

Ka një përditësim të ri në lidhje me titujt mbretërorë.

Mbretëresha Elizabeth II, e cila vdiq më 8 shtator në moshën 96-vjeçare, në komunikimet mbretërore përmendej gjithmonë si “Madhëria e saj, Mbretëresha”.

Pas funeralit të saj të hënën (19 shtator), ky formulim ka ndryshuar.

Buckingham Palace e ka zhvendosur referencën e tyre për monarken e ndjerë në komunikimet nga “Madhëria e saj, Mbretëresha” në “Madhëria e saj, Mbretëresha Elizabeth”.

Pallati ndryshoi gjithashtu përshkruesin në rrjetet sociale që nga e enjtja (22 shtator), siç shihet në një postim në Twitter për vizitën e Princeshës Anne për të falënderuar ushtarakët që ndihmuan në organizimin e funeralit të Mbretëreshës në fillim të kësaj jave.

“Në Portsmouth dhe Aldershot, Princesha Royal sot takoi personelin e shërbimit dhe i falënderoi për rolin që luajtën në funeralin e Madhërisë së Saj, Mbretëreshës Elizabeth”, thuhej në mesazh.