Manuali i nënshkruar nga Steve Jobs del në ankand për mbi 787 mijë dollarë

Një manual kompjuterik Apple II i nënshkruar nga bashkëthemeluesi i kompanisë, Steve Jobs në 1980, u shit për 787,484 dollarë, njoftoi një shtëpi ankandi me bazë në Boston.

Nga RR Auction thanë se manuali me 196 faqe, i cili përmban specifikimet teknike dhe udhëzimet e funksionimit për kompjuterin Apple II, u nënshkrua nga Jobs dhe Mike Markkula, CEO i dytë i Apple, më 1980.

“Julian, brezi yt është i pari që rritet me kompjuterë. Shko ndrysho botën!” Jobs shkroi në kopertinën e brendshme të manualit.

Mbishkrimi “Julian” i referuar ishte Julian Brewer, djali i Mike Brewer, i cili kishte negociuar të drejtat ekskluzive të shpërndarjes për produktet e Apple në Britani dhe më vonë u bë drejtori i parë menaxhues i Apple U.K. Ltd.

“Unë isha ulur në dhomën time të gjumit duke shkruar lojëra në Apple II kur babai më thirri për të takuar disa mysafirë,” tha Julian Brewer, i cili ishte një adoleshent në kohën e takimit.

“Për habinë time ishin Steve Jobs dhe Mike Markkula. Unë kisha manualin me vete dhe vetëm më vonë kuptova se sa e rrallë ishte që Jobs të nënshkruante ndonjë gjë, e lëre më të shkruante një mbishkrim si ky. Ai shkoi mirë me babanë, kështu që e ndjeja se mbishkrimi është bërë me kujdes”.

RR Auction tha se ofertuesi fitues ishte Jim Irsay, pronar i Indianapolis Colts.