Makina përplas 23 vjeçaren në oborrin e shtëpisë në Tiranë, e reja ndërron jetë në spital

Një 23-vjeçare ka humbur jetën papritur  këtë mëngjes në Shqipëri, kur një makinë doli nga rruga dhe e përplasi për vdekje në oborrin e shtëpisë.

Ngjarja e rëndë ka ndodhur sot në orët e para të mëngjesit, në   rrugën “Shaban Bardhoshi”, Tiranë.

“Shtetasi D. T., duke drejtuar automjetin, ka humbur kontrollin mbi drejtimin e tij duke dalë nga rruga dhe ka hyrë në oborrin e një banese”, njofton policia.

E reja M.S. ka vdekur në spital.