Madonna zbulon për cilën yll të popit kishte një “dashuri të vogël”

Edhe  Madonna nuk është imune ndaj xhelozisë.

Mbretëresha e Popit ka zbuluar në një intervistë se dikur ka qenë “pak e dashuruar” dhe xheloze ndaj koleges së saj Kylie Minogue, të cilën e konsideronte shumë të ëmbël dhe tërheqëse.

Ajo ka treguar se në një periudhë kishte vendosur edhe emrin e Kylie-t në një bluzë me kristale gjatë MTV Europe Music Awards 2000, transmeton Klankosova.tv.

“Kam qenë në një fazë ku vendosja kristale kudo dhe mendova për këngëtaret që më pëlqenin. Kylie ishte njëra prej tyre”,  ka thënë Madonna.

Kylie Minogue ka treguar se ishte surprizuar shumë kur e pa atë gjest, duke e quajtur një moment të paharrueshëm.

Dy këngëtaret kanë folur edhe për mundësinë e një bashkëpunimi të ri, por nuk kanë konfirmuar asgjë zyrtarisht.