LIVE| Përfundon takimi i krerëve të shtetit me ambasadorët e Quint-it

19:41 – Përfundon takimi i krerëve të shtetit me ambasadorët e Quint-it 

Ka përfunduar takimi mes krerëve të shtetit, presidentes Vjosa Osmani, kryeparlamentarit Glauk Konjufca dhe kryeministrit Albin Kurti, dhe ambasadorëve të shteteve të Quint-it në Kosovë, dhe ambasadorit të BE-së.

Gazetarja e Klan Kosova, që gjendet te Presidenca, ka njoftuar se nuk do të ketë prononcime për media nga asnjëra palë.

19:02 – Kurti del nga takimi me ambasadorët, ata vijojnë të jenë brenda

Kryeministri Albin Kurti është parë duke dalë nga takimi me ambasadorët e QUINT-it, njofton Klan Kosova.

Ndërkaq, ambasadorët po vazhdojnë së qëndruari brenda ambienteve të Presidencës.

Krerët e shtetit, përshirë presidenten Vjosa Osmani, kryeparlamentarin Glauk Konjufca, dhe kryeministrin Albin Kurti, janë takuar sot me ambasadorët. Raportohet se takimi është mbajtur në lidhje me anëtarësimin e Kosovës në Këshillin e Evropës.

18:25 – Edhe Kurti e Konjufca në takimin e Osmanit me Quint-in

Presidenca e Kosovës, përmes një postimi në Facebook, ka konfirmuar takimin për të cilin pak më parë raportoi Klankosova.tv.

Ndërkaq, në takim thuhet se po marrin pjesë edhe kryeministri Albin Kurti dhe kryeparlamentari Glauk Konjufca.

“Takimi i Presidentes Osmani, Kryetarit Konjufca dhe Kryeministrit Kurti bashkë me ambasadorët e shteteve të Quint-it lidhur me anëtarësimin e Kosovës në Këshillin e Evropës”, ka thënë Presidenca.  /Klankosova.tv

Quint-i i shkon në zyrë Presidentes Osmani

Ambasadorët e shteteve të Quint-it në këto momente janë duke zhvilluar një takim me presidenten Vjosa Osmani.

Siç merr vesh Klani, temë e takimit është procesi i anëtarësimit të Kosovës në Këshillin e Evropës.

Nuk dihet nëse do të ketë ndonjë prononcim për media pas këtij takim, megjithatë, Klankosova.tv do t’ju mbajë të informuar.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.