Lirohet qarkullimi në Jarinje, por krijohen kolona deri në dy orë pritje

Qendra Kombëtare për Menaxhimin Kufitar ka njoftuar se rreth orës 12:35 është liruar qarkullimi i automjeteve në dalje të Pika Kufitare Jarinje.

Sipas njoftimit, qarkullimi është rikthyer pasi kompania për mirëmbajtjen e rrugëve nga Serbia ka përfunduar punimet për pastrimin e rrugës.

Por,  sipas qendrës në këtë pikë kufitare është krijuar kolonë automjetesh rreth 1500 metra, ndërsa pritjet për të dalë nga Kosova arrijnë deri në dy orë.

“Për më shumë kontaktoniQKMK, në numrat 045198000, 045198606 dhe 080050095”, thuhet në njoftim. /Klankosova.tv