Lady Gaga me koncert në mbështetje të punonjësve shëndetësorë NULL NULL 07.04.2020 17:36 07.04.2020 17:36 Lizzo, Billie Eilish dhe Sir Elton John do të performojnë në një koncert televiziv të organizuar nga Lady Gaga, në mbështetje të punonjësve shëndetësorë që po luftojnë me pandeminë Covid-19. Lady Gaga, së bashku me grupin Global Citizen, kanë mbledhur tashmë 35 milion dollarë për Organizatën Botërore të Shëndetësisë. Fondet do të përdoren për blerjen e pajisjeve mbrojtëse për punonjësit shëndetësorë dhe do të mbështesin përpjekjet për të zhvilluar ilaçe dhe vaksina. Këngëtarja gjithashtu njoftoi se kishte bashkë-orgaizuar një koncert në nderim të përpjekjeve të punonjësve shëndetësorë në luftën kundër koronavirusit. “Një botë: Së bashku në shtëpi” ku do të marrin pjese edhe Sir Paul McCartney dhe Stevie Wonder, do të transmetohet drejtpërdrejtë në SHBA dhe do të shfaqet në BBC One në Mbretërinë e Bashkuar. Lady Gaga tha se ajo dëshironte të theksojë mirënjohjen e thellë që ajo dhe shumë të tjerë ndjenin ndaj komunitetit mjekësor për punën e tyre në luftimin e pandemisë koronavirus. “Ajo që ju po bëni është ta vendosni veten përpara rrezikut për ta ndihmuar botën dhe të gjithë ju përshëndesin”. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
