Ky ishull ndan Oqeanin Atlantik nga Deti i Karaibeve

Eleuthera është njëri nga ishujt që gjenden brenda arkipelagut të Bahameve, rreth 80 km në lindje të kryeqytetit Nassau.

Ky ishull është i gjatë rreth 180 km, ndërsa vende-vende ka gjerësinë prej vetëm 1.6 km.

Në pjesët e ngushta të ishullit vërehet më se miri një dukuri spektakolare: uji i kaltër i ndritshëm i detit të cekët të Karaibeve, në njërën anë – dhe ngjyra e kaltër e errët e Oqeanit Atlantik, në anën tjetër.

Ura natyrore që bashkon Eleutheran veriore dhe atë jugore ekziston me shekuj, mirëpo ishte rrezikuar nga shkatërrimi, në vitet e 40-ta të shekullit të kaluar, kur ishte goditur nga uraganët e fortë.