Kuvendi miraton në parim Projektligjin për banim social dhe të përballueshëm

Projektligji për banim social dhe të përballueshëm është miratuar në Kuvendin e Kosovës me 63 vota pro, asnjë votë kundër dhe asnjë abstenim.

Tani pritet edhe leximi i dytë i këtij Projektligji, transmeton Klankosova.tv.

Lidhur me këtë Projektligj, ministri Liburn Aliu, ka treguar qëllimin kryesor të tij, duke thënë se ky projekt do të mbulojë të gjithë territorin e Kosovës.

“Qëllimi i tij është krijimi i mundësive për banim social dhe të përballueshëm për qytetarët e Kosovës, duke siguruar kushte adekuate të banimit, për ata që kanë nevojë për të. Është instrument thelbësor për të ndihmuar familjet në kushte ekonomike të vështira, duke siguruar që ata të banojnë në kushte të pranueshme dhe të përballueshme”, tha Aliu.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.