Kurti: Për hollësitë e dialogut mund të flasim në seancë me dyer të mbyllura ose me liderë politikë NULL NULL 09.02.2023 12:05 09.02.2023 12:05 Kryeministri i vendit, Albin Kurti, është shprehur i hapur për të diskutuar në lidhje me dialogun me Serbinë, por sipas tij, janë vetëm dy mënyra për ta bërë këtë. Ai tha se diskutimi për dialogun mund të bëhet ose në takim me liderët e partive për hollësitë, ose raportim në kuvend me dyer të mbyllura. “Është e mundshme që të bëhet diskutim në kuvend enkas për këtë gjë, por në mënyrë që Kosova të jetë shumë më e mbrojtur, është më mirë që atë seancë të mos e thërras kryeministri, meqë mezi s’presin të na akuzojnë se ne i nxorëm hollësitë”. “Procesi i dialogut duhet të jetë transparent, por njëkohësisht konfidencialiteti i bisedimeve të jetë aty. Nëse unë e thërras një seancë të kuvendit ku flasim për detajet e përmbajtjes, kjo është shumë rrezik për Kosovën”, është shprehur Kurti, njofton Klankosova.tv. Tutje, ai tha se nëse diskutimi bëhet me dyer të mbyllura, ose e thërret opozita, sipas tij, është shumë më kollaj, teksa shtoi se takime me kryetarët e partive politike në vend, në zyrën e Kryeministrit mund të ketë në çdo kohë. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Policia konfirmon raportimin e Klankosova.tv: Mesazhi për bombë dyshohet se erdhi nga Serbia 05/07/2025
Kosova Temperaturat e larta, MPB me vendim ndalon ndezjen e zjarreve në ambiente të hapura 05/07/2025
Kosova Osmani: Mbrojtja e të drejtave të pacientëve, indikator i rëndësishëm i funksionimit demokratik të shtetit 05/07/2025