Kurti numëron sukseset në bujqësi: Mbill sot që të korrësh nesër

Kryeministri i Kosovës Albin Kurti, i ka numëruar sukseset në sektorin e bujqësisë.

Kurti tha se është shënuar rekord i të mbjellave që prej pasluftës.

“Në krahasim me dy vite më parë, sipërfaqet e të mbjellave me drithëra janë rritur për gati 2/3. Sepse përkrahjen me subvencione për bujqit dhe fermerët e kemi rritur deri në 216%”, tha Kurti.

Ai tha se vlera e mbështetjes financiare është 214 milionë euro.

“Për herë të parë, kemi subvencionuar naftën dhe plehun bujqësor. Sigurimeve bujqësore u janë shtuar edhe gjashtë kultura të reja, kurse primin e sigurimit e kemi subvencionuar për 75%”, shtoi ai.

Shefi i qeverisë shtoi se aplikimi për subvencione dhe grante është bërë më i lehtë.

“Keqpërdorimet, padrejtësitë dhe korrupsioni janë ndalur. Gjasat për të përfituar bujqit dhe fermerët meritorë janë rritur. Për herë të parë janë aprovuar 50% të aplikimeve për grante, teksa numri i fermerëve të mbështetur çdo vit është mbi 30 mijë”, tha ai.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.