Kujdes nga çamçakëzi, shkakton probleme tek nofulla

Sheqeri i cili gjendet tek disa çamçakëzë është një përbërje që shkakton probleme për shëndetin e dhëmbëve prandaj duhet të keni kujdes dhe ta përdorini atë pa përmbajtje të tillë.

Sipas ekspertëve dhe stomatologëve përtypja e çamçakëzve mund të shkaktojë simptoma të çrregullimeve, duke përfshirë dhimbje lidhur me muskujt e nofullës për përtypje dhe nyjet që lidhin nofullën e poshtme me kafkën, njofton Klan Kosova.

Përdorimi i tepruar i çdo grupi të muskujve dhe çdo nyje mund të shkaktojnë dhimbje apo probleme shëndetësore duke çuar tek ngërçet e muskujve të nofullës, kokës, qafës.

Ndërsa ekspertët thonë se me kalimin e kohës nga përdorimi i çamçakëzit mund të shkaktojë dhimbje të kokës, veshëve dhëmbëve, por ata lanë të kuptohet që nëse çamçakëzi përdoret në masën e duhur nuk do të përbëjë asnjë problem për organizmin.