Kryeziu ka një propozim: Të kandidohen tre deputetë për kryetar Kuvendi (VIDEO)

Ish-gjyqtari i Gjykatës Kushtetuese, Kadri Kryeziu sot në emisionin “DPT te Fidani” në Klan Kosova tha se ka një propozim, që të kandidohen tre deputetë për kryetar Kuvendi.

Ai u shpreh se mund të jetë, Albulena Haxhiu, Fatmir Limaj dhe siç u shpreh ai, një neutral, përcjell Klankosova.tv.

“E kam dhënë një propozim për pasnesër edhe po u them edhe sot, që me kalu edhe me qenë krejt të lumtur. Me i kandidu tre kandidatë për kryetar, nuk e ndalon Kushtetuta, Albulenën, Fatmirin dhe një neutral, tre”.

“Hyjnë në vota të fshehta, askush nuk e pengon, njëri prej tyre cili të fitojë, bëhet kryetar”, u shpreh Kryeziu duke thënë se Kushtetuta e lejon një gjë të tillë.