Kourtney Kardashian zbulon detaje të reja rreth martesës

Kourtney Kardashian ka dhënë detaje të reja rreth martesës së saj.

42 vjeçarja u paraqit të mërkurën në “Jimmy Kimmel Live” së bashku me motrat, Kim, Khloe dhe Kendall e nënën e tyre Kris Jenner për të folur rreth serialit të tyre të ri, The Kardashians.

Gjatë intervistës së tyre, Kourtney foli për martesën e saj me Travis Barker, e cila u zhvillua një natë tjetër në Las Vegas, duke zbuluar se jo të gjithë familja e saj e dinin se ata po martoheshin.

“Unë e dija dhe Khloe e dinte”, tha Kris.

Sa i përket Kim-it, ajo zbuloi: “Unë isha duke fjetur”.

Në fillim të kësaj jave u zbulua se Kourtney dhe Travis, 46 vjeç, u martuan në një kishëz në Vegas pasi morën pjesë në Grammy 2022. Megjithatë, më vonë ajo sqaroi se të dy nuk janë ende të martuar ligjërisht, pasi nuk mund të merrnin lejen e martesës.