Konventa e Përgjithshme, Krasniqi i pakonkurrencë në krye të PDK-së (VIDEO)

Sekretarja e Partisë Demokratike të Kosovës, Vlora Çitaku gjatë një conference për media njoftoi se më datën 21 qershor do të mbahet Konventa e Përgjithshme Zgjedhore e kësaj partie.

Ajo tha se nga kjo Konventë do të nis rruga e fitores e cila do të vazhdojë edhe më 12 tetor, në zgjedhjet lokale, sikur në të kaluarat.

Por as kësaj radhe, nuk ka dyshime se kush do të jetë lideri i partisë.

“Me krenari ju njoftojë se i vetmi kandidat për kryetar të PDK-së në këtë konventë, është kryetari aktual Memli Krasniqi”, tha Çitaku.

Duke u ndalur edhe te raportet e Kosovës me aleatët ndërkombëtarë, ajo kritikoi ashpër qasjen e Qeverisë Kurti ndaj partnerëve strategjikë të vendit.

Detaje të mëtejshme rreth organizimit dhe agjendës së Konventës do të bëhen publike në ditët në vijim.

Për detaje ndiqeni kronikën e përgatitur nga Klan Kosova:

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.