Kombëtarja e Kosovës mposht edhe Luksemburgun në hendboll

Kombëtarja e Kosovës në hendboll në konkurrencën e femrave, ka shënuar fitoren e dytë me radhë në kuadër të fazës së parë të kualifikimeve për “Euro2022”

Dardanet në takimin e dytë mposhten Luksemburgun me rezultat 33 me 27.

Ekipi i Kosovës, gjatë gjithë ndeshjes ishte në avantazh dhe fitorja nuk iu rrezikua asnjëherë.

Golashënuesja me e mirë ishte Pashkë Marku me 10 gola , kurse nga 8 i shtuan Albina Rugova dhe Suzana Ujkiq.

Të shtunën Kosova, do ta zhvilloj ndeshjen e fundit të kësaj fazë, ndaj Portugalise që po ashtu ka dy fitore në këtë grup. Vetëm ekipi që zë vendin e parë do të vazhdoj tutje në fazën tjetër kualifikuese.