Kombëtarja A dhe U19 e vajzave me ndeshje testuese në Hajvali

Në përmbyllje të grumbullimit treditor, Kombëtarja A e vajzave dhe Kombëtarja U19, të përbëra kryesisht nga lojtare të kampionatit vendor, kanë zhvilluar sot një ndeshje testuese në Kampin Nacional në Hajvali.

Ky duel shërbeu si një mundësi e mirë për përzgjedhësin e Kombëtares A, Sami Sermaxhaj, dhe përzgjedhësen e Kombëtares U19, Albina Rrahmani, për të parë nga afër formën e futbollisteve para sfidave të rëndësishme që i presin në muajt tetor dhe nëntor, transmeton Klankosova.tv.

Me këtë test, stafi teknik ka marrë një pasqyrë më të qartë për gjendjen e lojtareve dhe për alternativat që mund të ndihmojnë në ndeshjet zyrtare që po afrohen.