Koka s’fle, Kurti “s’ka çka bën” (VIDEO)

Me 30 minuta vonesë nisi vazhdimi i seancës aty ku kishte mbetur javën e shkuar.

Por para fillimit të diskutimeve për grevën, deputetët mbajtën një minutë heshtje në nderim të 24 vjetorit të rënies së Fehmi e Xhevë Lladrovcit.

Opozitarët fajin për mos arritjen e kompromisit me sindikatat, ia lanë ekzekutivit.

Për kryeministrin këta nuk e kanë hallin e mos fillimit të mësimit, por iu djeg te rezultati i 14 shkurtit.

Për BSPK-në e SBASHK-un Kurti tha se nuk pranuan thirrjet e qeverisë për të prezantuar pakon e inflacionit e daljen në diskutime publike të ligjit të pagave.

Për sindikatat me theks atë të Arsimit, ministrja e dikasterit tha se iu kanë plotësuar 90% të kërkesave, pos 100 euroshit të famshëm.

Gjatë diskutimeve pati edhe polemika mes ligjvënësve të pozitës me opozitën.

Pas 4 orë diskutimesh seanca u mbyll bashkë me këtë pikë, për të vazhduar me pikat tjera të premten në ora 10.