Kina fillon stërvitjet e mëdha ushtarake rreth Tajvanit - Klan Kosova

Na ndiqni në:


Get it on Google Play Download on the App Store

Kina fillon stërvitjet e mëdha ushtarake rreth Tajvanit

NULL NULL
04/08/2022

Kina i ka filluar stërvitjet ushtarake në shkallë të gjerë detare dhe ajrore rreth Tajvanit, pas një vizite të diskutueshme të politikanes amerikane Nancy Pelosi.

Stërvitjet me zjarr të drejtpërdrejtë filluan në orën 12:00 me kohën lokale, ato thuhen se u zhvilluan 12 milje larg nga ishulli i vetëqeverisur.

Manovrat ushtarake të Kinës filluan të martën në mbrëmje pas mbërritjes së kryetares së Dhomës së Përfaqësuesve të SHBA, Nancy Pelosi në Taipei, e cila ka zemëruar Pekinin.

Tajvani tha se Kina, e cila e konsideron Tajvanin si të sajën, po përpiqej të rishikonte status quon në rajon dhe kishte thyer rregullat e Kombeve të Bashkuara.

Pekini më vonë njoftoi një sërë masash hakmarrëse ekonomike të martën në përgjigje të vizitës së Pelosit, e cila ka bllokuar disa tregti ndërkombëtare me ishullin.

Aktiviteti ushtarak kinez, që përfshin gjuajtjen e municioneve me rreze të gjatë në korsit e ngarkuara të anijeve në ngushticën e Tajvanit, vazhdoi të mërkurën.

Tajvani thotë se stërvitjet kanë pushtuar hapësirën e tij territoriale dhe kanë arritur në një bllokadë të ajrit dhe detit, shkruan Euroneës, transmeton KlanKosova.tv.