Khloe dhe Tristan u përgjigjen thashethemeve të fundit për lidhjen e tyre

Khloe Kardashian dhe Tristan Thompson iu përgjigjën thashethemeve të fundit për statusin e marrëdhënies së tyre.

Një raport i ri këtë javë pohoi se Khloe ishte “e dëshpëruar” për ta bërë marrëdhënien e saj me Tristan të funksionojë përsëri, pavarësisht rasteve të përsëritura të tradhtisë.

Pastaj, një burim foli për ta duke thënë se të dy yjet nuk u bashkuan vërtet, veçse janë të përkushtuar për të rritur vajzën e tyre True si bashkë-prindër.

Tani, ish -çifti është duke folur hapur.

Khloe iu përgjigj një përdoruesi në Twitter i cili rreth pretendimeve tha se ajo po i jepte Tristanit “një shans tjetër”. Fansi shkroi, “Në këtë pikë @khloekardashian nuk ka respekt për veten. Gjithsesi… ”

Në përgjigje, Khloe i tha, “Po më thua që ke bërë një vlerësim për jetën time për shkak të një blogu të rastësishëm? Unë mendoj se kjo thotë më shumë për ty sesa për mua. ”

Tristan gjithashtu shkroi një postim në tiwtter në përgjigje të këtyre titujve spekulativë.

“Thashethemet janë më të këqij se hajdutët, sepse përpiqen të ta vjedhin dinjitetin, nderin, besueshmërinë dhe reputacionin e një personi tjetër, të cilat janë të vështira për t’u rikthyer” tha ai.