Këto janë shenjat e variantit “Omicron” që duhet t’i dini NULL NULL 02.12.2021 21:46 02.12.2021 21:46 Ka ende dhjetëra pyetje në lidhje me variantin e ri të COVID-19, i cili po konsiderohet si variant me shumë mutacione. Shkencëtarët po punojnë gjatë gjithë kohës për të zbuluar nëse me të vërtetë përhapet më shpejt, shmang imunitetin ose ndryshon ashpërsinë e sëmundjes. Një zyrtar i Organizatës Botërore të Shëndetësisë tha se shumica e njerëzve nuk po sëmuren rëndë nga ky variant, megjithëse është e mundur, shkruan The Sun, transmeton Klankosova.tv. Dr.Maria Van Kerkhove, një këshilltare e lartë e OBSH-së, tha se ka raste të ndryshme me këtë variant. “Për sa i përket profilit të ashpërsisë, ne kemi parë raporte të rasteve me “Omicron” që janë të lehta, por edhe të rënda. Ka disa indikacione se disa nga pacientët paraqiten me sëmundje të lehtë, por sërish janë ditët e para”, u shpreh ajo. Varianti “Omicron” mund të jetë duke shkaktuar më shumë konfuzion sa u përket shenjave. Lodhja, dhimbjet e trupit dhe dhimbjet e kokës janë ndër shenjat e para të këtij varianti. Ndërkaq, thuhet se deri më tani pacientët nuk kanë raportuar humbje të nuhatjes ose të shijes. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
