Kërkohet shtyrja e afatit për konvertimin e patentë-shoferëve ilegale serbe në ato të Kosovës

Ka mbetur edhe një ditë nga afati për konvertimin e patentë-shoferëve ilegalë të lëshuara nga autoritetet e Serbisë, në ato RKS.

Por, po ashtu është kërkuar që të ketë edhe shtyrje të afatit, për 10 ditë pune.

Kështu tha për Klankosova.tv zëvendësdrejtori i Policisë për rajonin e Veriut, Veton Elshani.

Elshani tregoi edhe arsyet e kësaj kërkese.

“I kemi disa probleme teknike dhe e shohim se njerëzit i kanë ato telashe. P.sh dikush e ka ndonjë problem teknik, ndalim të ngasjës për tre muaj, dhe ky ndalim shkon pas 9 gushtit. Ne e kemi bërë kërkesën në Ministrinë e Punëve të Brendshme që të na lejojë që kjo të zgjatet për pesë apo dhjetë ditë pune, per shkak të këtyre vështirësive”, deklaroi Elshani për Klankosova.tv

Ndryshe nga 10 maji e deri ditën e djeshme më 7 gusht, janë konvertuar gjithsejt 5 mijë e 588 patentë – shoferë ilegalë të Serbisë, në ato RKS.

Sipas Ligjit, ata që kapen pa leje të Kosovës, mund të gjobiten deri në 1 mijë e 500 euro.

Edhe dy ditë afat: Gati 5,600 patentë-shoferë ilegale serbe të konvertuara në të Kosovës