KB Peja nuk ndalet, prezanton transferimin e radhës

Klubi i basketbollit, Peja, po vazhdon përforcimin e skuadrës për edicionin e ri 2024/25.

Së fundmi, klubi pejan ka njoftuar se ekipi është pasuruar edhe me një basketbollist amerikan, njofton Klankosova.tv.

Bëhet fjalë për Tristan Ikpe, 210 centimetra i gjatë, i lindur në vitin 1999.

Ish-kampionët ka kohë që kanë nisur konsolidimin, duke filluar me konfirminim e Rami Hadar në krye të shtabit teknik.

Deri tani, pejanët kanë njoftuar vazhdimin e kontratës me Musab Malën e Andi Mehmetin, kurse kanë rikthyer në skuadër njërin prej aseteve më të mëdha të basketbollit kosovar, Arti Hajdarin.

Poashtu nga Shtetet e Bashkuara të Amerikës, në Pejë ka zbarkuar Rron Ukaj, derisa janë bërë me dije edhe disa transfere të tjera, si Adong Makoui, pastaj Jawaun Daniels, Shahada Wells e Jacquez Yow, raporton Klankosova.tv.

Nga vendorët, armë shtesë të pejanëve do të jenë: Rron Dahsyla, Shëndrit Llapi e Amin Hot.