Kanye West po thyen të gjitha llojet e rekordeve me “Donda”

Kanye West po thyen të gjitha llojet e rekordeve me albumin e tij të ri “Donda”.

Albumi u publikua të dielën rreth orës 8 të mëngjesit, disa javë pas promovimeve dhe tre ngjarjeve të mëdha dëgjimore që u transmetuan në internet, transmeton Klankosova.tv.

Pra, doni të dini për rekordet që Kanye ka thyer?

Kanye së pari theu rekordin për transmetimin më të shikuar të Apple Music të të gjitha kohërave me 5.9 milionë shikues.

Apple Music gjithashtu ka njoftuar se “Donda” theu rekordin e vitit 2021 për albumin dhe artistin më të transmetuar brenda një dite. “Donda” ishte albumi i tretë më i dëgjuar në ditën e parë të lëshimit në Apple Music, ndonjëherë.

Në ditën e parë të plotë të publikimit, “Donda” u transmetua më shumë se 60 milionë herë në SHBA.

“Donda” vendosi një rekord të ri duke arritur numrin 1 në tabelën e albumeve kryesore të Apple Music në 152 vende në 24 orë.

Në Spotify, Kanye gjithashtu ka arritur ta ketë albumin më të transmetuar të vitit 2021 në 24 orët e tij të para, duke kryesuar albumin debutues të Olivia Rodrigo, “Sour”.