Jon Bon Jovi këndon në një dasmë në Miami (VIDEO)

Jon Bon Jovi, është i paparashikueshëm dhe këtë gjë e ka vërtetuar tash e një kohë.

Ai kohët e fundit mori pjesë në një dasmë në Miami e teksa po këndohej kënga “Livin’ On A Prayer”, nuk kishte si t’i rezistonte dhe u ngjit në skenë për ta kënduar, transmeton Klan Kosova.

Në këtë dasmë po këndonte Lourdes Valentin, që e kishte listuar këtë këngë si njëra prej të cilave do luhej gjatë ceremonisë, duke e ditur që i pranishëm do ishte vet Bon Jovi.

Ajo i ka thënë Associated Press se kur i kishte folur para dasmës ai i kishte thënë asaj që nuk dëshironte të këndonte, por gjërat ndryshuan kur ai dëgjoi këngën e tij.

Valentin është shprehur gjithashtu që ishte shumë e surprizuar që Bon Jovi vendosi të bashkohej me të për një “duet” gjatë dasmës.

Për më tepër mund ta shikoni videon më poshtë.

https://www.youtube.com/watch?v=ntvHMxlFasE