Jeta e Demi Lovatos pas rehabilitimit ka ndryshuar

Demi Lovato është duke u përpjekur që të rimarrë veten.

Sipas një burimi, këngëtarja e hitit “Sober” po i përmbahet trajtimit të saj mjekësor, pas një overdoze në shtëpinë e saj në Los Angeles, në muajin korrik.

“Demi është e lumtur dhe e shëndetshme, pas problemeve me overdozën. 90 ditët e saj në rehabilitim e kanë ndryshuar jetën e saj për të mirë”.

“Ajo dëshiron megjithatë të jetë jashtë rehabilitimit. Ajo e ka një trajner që i ndihmon të qëndrojë esëll dhe një sistem mbështetës lidhur me këtë”, ka thënë ky burim, transmeton Klan Kosova.

I njëjti burim ka shtuar se përpjekjet e këngëtares për të qëndruar esëll, larg alkoolit, e kanë bërë atë që rimendojë të gjitha shprehitë e saj.

“Demi vuan që një kohë të gjatë me varësinë ndaj alkoolit, prandaj familja dhe miqtë e saj nuk mund të ishin më krenar me gjithë arritjet e saj në këtë pjesë”.

“Ky proces ka qenë shumë fitimprurës për Demin, në shumë mënyra. Ajo nuk ka larguar vetëm toksinat e alkoolit dhe është esëll, por ajo tashmë ka një stil jetese shumë më ndryshe, më të shëndetshëm”.

“Ajo është përkushtuar për një jetë të shëndetshme duke u përpjekur që të rrijë me njerëz që ndjekin këtë stil jetës. Ajo e meriton një partner që do ta mbështesë në këtë lloj jete, në ndërkohë që familja dhe miqtë e saj po e mbështesin”.

Këto detaje lidhur me jetën e Demi Lovatos arrijnë pak ditë pasi 26 vjeçarja është parë duke darkuar me dizajnerin e rrobave, Henry Levy.