Izraeli pretendon se ka goditur “infrastrukturat ushtarake të Hezbollahut” në Siri

Forcat e Mbrojtjes të Izraelit (IDF) thanë se goditën “dy infrastruktura ushtarake të Hezbollahut në frontin sirian”, këtë të martë.

Sipas saj, sulmi është “kryer bazuar në inteligjencën e saktë që inkriminonte infrastrukturën”.

“IDF mban përgjegjësinë e regjimit sirian për të gjitha aktivitetet që zhvillohen brenda territorit të saj dhe nuk do të lejojë asnjë përpjekje për veprim që mund të çojë në vendosjen e Hezbollahut në frontin sirian”, thuhet në deklaratën e postuar në Telegram.

IDF postoi gjithashtu një video që pretendonte të tregonte sulmin në “infrastrukturat e Ushtrisë Siriane” të përdorura nga Hezbollahu, raporton CNN, transmeton Klankosova.tv.

Videoja duket se është marrë nga një dron me pamje nga një kompleks dhe tregon një shpërthim në kompleks, i ndjekur nga shtëllunga të zeza tymi.

Hezbollahu dhe qeveria siriane deri në momentin e publikimit të këtij lajmi nuk e kanë komentuar publikisht këtë pretendim.