Italia kthehet në bllokim të rreptë për Pashkët

Italia ka hyrë në një bllokim të rreptë tre ditor në përpjekje për të parandaluar një rritje në rastet të reja me COVID-19 gjatë Pashkëve.

Të gjitha rajonet janë tani në “zonën e kuqe” – niveli më i lartë i kufizimeve – ndërsa vendi lufton me një valë të tretë, me rreth 20 mijë raste të reja në ditë, shkruan BBC, transmeton Klan Kosova.

Kishat janë të hapura, por besimtarëve u thuhet të marrin pjesë në shërbimet brenda rajoneve të tyre.

Për vitin e dytë, Papa Françesku do të japë mesazhin e tij të Pashkëve në një shesh bosh të Shën Pjetrit.

Pas fundjavës së pushimeve, rajone të ndryshme do të qëndrojnë më pas në kufizimet e “zonës portokalli” ose “zonës së kuqe” deri në fund të muajit.

Kufizimet në Itali vijnë ndërsa vendet në të gjithë Evropën përpiqen të kontrollojnë një rritje në rastet e virusit, ndërsa luftojnë me një shtyrje të vaksinave të vonuar.

Më shumë se 110 mijë e 328 njerëz në total kanë vdekur nga koronavirusi në Itali teksa me COVID-19 janë infektuar 3.6 milionë persona.