“Isha xheloz”- Deklarata e të riut që dhunoi të dashurën NULL NULL 18.04.2023 19:53 18.04.2023 19:53 Gjykata e Tiranës caktoi masën arrest në burg për 31-vjeçarin Gleard Gusholli, i cili dhunoi dhe mbajti peng bashkëjetuesen e tij. Seanca u zhvillua me dyer të mbyllura, ndërsa i riu deklaroi se gjithçka ka ndodhur nga xhelozia. Avokati i tij mbrojtës i bëri me dije gjykatës se 31-vjeçari vuan nga depresioni dhe prej disa muajsh trajtohet me medikamente. Për këtë avokati i kërkoi gjykatës shtrim të detyruar në spital, kërkesë që nuk u pranua nga gjyqtari Kujtim Vraniçi. Katër personat e tjerë të arrestuar për përkrahje të autorit dhe veprime që pengojnë zbulimin e të vërtetës u liruan duke i caktuar masën detyrim paraqitje. Prokuroria e Tiranës ndryshe nga referimi i policisë, e akuzon Gushollin për 3 vepra penale: plagosje, dhunë në familje dhe heqje të pa ligjshme të lirisë. Ngjarja e rëndë ndodhi në një banesë në rrugën Frosina Plaku në Tiranë, ku 28-vjeçarja u mbajt e mbyllur për një javë dhe u dhunua sistematikisht. E reja kishte ardhur nga Gjermania në Shqipëri për të bashkëjetuar me Gleard Gushollin. /euronews.al *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Aksident mes dy veturave në Kërçovë, vdesin tre persona e katër të tjerë lëndohen 10 minuta më parë
Kosova Komisioni për rezervat shtetërore, Gashi: Sot, VV-ja i dha fund njërës prej shtyllave të demokracisë 13 minuta më parë