Interpol e kap një shqiptar në Barcelonë, esktradohet në Shqipëri

Policia e Shtetit në Shqipëri ka bërë të ditur se në bashkëpunim me Interpool e kanë kapur një shqiptar, i cili ishte në kërkim.

33-vjeçari është në kërkim në kuadër të megaoperacionit policor të koduar “Mataro”, të finalizuar nga Policia e Lezhës, në dhjetor të vitit 2021.

I dyshuari në fjalë është bashkëposedues i gjashtë armëve të zjarrit, një arme gjahu dhe lëndë plasëse.

Ai u kap në Barcelonë dhe u ekstradua në Shqipëri. Gjykata e Rrethit Gjyqësor Lezhë i ka caktuar 33-vjeçarit, masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Pastrimi i produkteve të veprës penale ose veprimtarisë kriminale”.