Injorohet Hoti, kopjohet Beogradi (VIDEO)

Ardita Sinanit i është besuar një detyrë e rëndësishme për komunitetin ku jeton.

Politikanja nga Lugina, do të jetë udhëheqësja e parë, e zyrës për Preshevë, Medvegjë dhe Bujanoc, në qeverinë e Kosovës, pasi të martën u emërua edhe këshilltare e kryeministrit, Albin Kurti.

Gajlet e luginasve, do të jenë prioriteti i kësaj zyre, detyrat e së cilës do të dihen më saktë, pasi të miratohet në qeveri.

Sinani thotë se një vendim i tillë, mund të mos pritet mirë nga shteti serb, i cili ka të themeluar zyrën për Kosovë.

Drejtuesit të saj, Petar Petkovic, madje i është besuar dialogu në Bruksel.

Një detyrë të tillë, nuk e dinë nëse do ta ketë edhe politikanja nga Lugina, por që zotohet se do t’i adresojë kërkesat e bashkëvendasve të saj për këtë proces.