Tri vdekje të reja si pasojë e Covid-19, janë regjistruar në raportin e ri të Institutit Kombëtar të Shëndetësisë Publike për ditën e premte.

Me tri rastet e reja, numri i të vdekurve nga koronavirusi në Kosovë ka shkuar në 58, njofton Klan Kosova.

Të enjten, IKSHPK-ja në raportin ditor kishte bërë të ditur se janë 55 persona që kanë vdekur si pasojë e virusit.

Në Kosovë aktualisht janë 1.296 raste aktive. Deri tash në vend janë regjistruar 3.178 raste pozitive, me 1.824 prej tyre që janë shëruar.