IKSHPK: Akoma ekziston rrezik i përhapjes – luten institucionet për mbajtjen e rendit dhe inspektoratet për angazhim të shtuar

Instituti Kombëtar i Shëndetësisë Publike të Kosovës bën thirrje për vazhdimin e masave të rekomanduara nga ta dhe Ministria e Shëndetësisë.

IKSHPK në njoftim thotë se lehtësimi i masave është bërë për të na bërë më të përgjegjshëm dhe se sakrificën tonë për të ruajtur shëndetin ta konsiderojmë si vlerë sublime duke vazhduar me mbajtjen e distancës fizike dhe mbajtjen e maskave nē vendet publike, njofton Klan Kosova

Mes tjerash IKSHPK lutë institucionet për mbajtjen e rendit dhe inspektorët për angazhim të shtuar gjatë ditëve në vijim.

Kujtojmë se sonte u raportuan 14 raste të reja si dhe dy pacientë të shëruar nga Covid-19.

Ky është njoftimi i IKSHPK-së:

Të nderuar qytetarë!

Virusi akoma gjendet në mesin tonë.
Vazhdoni të mbani distancën fizike dhe mbajtjen e maskave!
Lehtësimi i lëvizjes nuk nënkupton mosrespektimin e rekomandimeve të Institutit Kombëtar dhe Ministrisë së Shëndetësisë.

Lehtësimi i masave është bërë për të na bërë më të përgjegjshëm.
Sakrificën tonë për të ruajtur shëndetin ta konsiderojmë si vlerë sublime duke vazhduar me mbajtjen e distancës fizike dhe mbajtjen e maskave nē vendet publike.
Ju lutemi për kujdes të shtuar deri në shuarjen e plotë të COVID-19!

Ju lutemi të keni kujdes sepse akoma ekziston rrezik i përhapjes në vendet ku ka grumbullim të madh të njerëzve.
Virusi nuk ka këmbë, andaj mos ia jepni këmbët e juaja sepse do të rrezikoni të gjithë e më së shumti të afërmit tuaj!
Luten institucionet për mbajtjen e rendit dhe inspektoratet për angazhim të shtuar gjatë ditëve në vijim.
Ju faleminderit për mirëkuptim!