I mituri ther me thikë bashkëmoshatarët në Podujevë, dërgohen në QKUK

Një i mitur është arrestuar pasditen e djeshme në Podujevë pasi që i njëjti kishte therur me thikë dy bashkëmoshatarë të tij.

Si pasojë e sulmit, dy viktimat kanë pësuar lëndime trupore dhe ndihmën e parë e kanë marrë në emergjencën e qytetit pastaj janë dërguar edhe në QKUK.

Njësitë policore në vendin e ngjarjes kanë gjetur dhe konfiskuar thikën e cila dyshohet se ishte përdorë në rast.

I dyshuari pas intervistimit me vendim të prokurorit është dërguar në mbajtje, njoftoi policia në raport, transmeton Klankosova.tv.