Holanda i bashkohet koalicionit për të furnizuar Ukrainën me dronë të avancuar

Holanda po i bashkohet një koalicioni ushtarak me aleatët, përfshirë Britaninë, që do të furnizojë Ukrainën me teknologji të avancuar të dronëve dhe do të forcojë aftësitë e saj sulmuese në luftën kundër Rusisë, tha ministrja holandeze e Mbrojtjes.

Premtimi nga Holanda vjen përveç avionëve luftarakë F-16, artilerisë, municionit dhe sistemeve të mbrojtjes ajrore të ofruara nga holandezët për Kievin, transmeton klankosova.tv.

Për Holandën, mund të ketë kosto shtesë mbi 2 miliardë euro të destinuara tashmë për vitin 2024, tha ministrja holandeze e Mbrojtjes, Kasja Ollongren për Reuters në një intervistë.