Hendboll, Demaj iu bashkohet motrave Hajdari në elitën daneze

Kapitenja e Kosovës, Leonora Demaj, do të luajë në edicionin e ardhshëm në elitën daneze.

Ajo ka firmosur për dy vjet me skuadrën Ringkobing që është promovuar në elitë.

Te Ringkobingu janë motrat Marigona e Arlinda Hajdari, po ashtu reprezentuese të rëndësishme të Kosovës.

Demaj është larguar nga skuadra Vendsyssel, që do të luajë në kategorinë e dytë daneze. Më herët Demaj ka luajtur për Sonderjysken dhe Nykobingun.

Ajo ka lënduar ligamentet më 8 mars të vitit të kaluar dhe ende është në fazë rikuperimi. Por në verë pritet t’u kthehet stërvitjeve të plota.

klankosova.tv