Haradinaj thirrje pushtetarëve: Ndaluni, jeni duke shkuar në drejtim shumë të rrezikshëm

Kreu i AAK-së, Ramush Haradinaj është deklaruar sërish rreth çështjes së presidentit, e cila u shty për në orën 14:00.

Ai tha se ata që udhëheqin shtetin, të hënën mbrëma, sipas tij kanë bërë shkelje kushtetuese, transmeton Klankosova.tv.

“Është një ngjarje shumë e rrezikshme, një drejtim i rrezikshëm, dhe vërtetë iu bëj thirrje që të ndalen, ruajtja, mbajtja dhe ardhja në pushtet është e mundshme duke respektuar Kushtetutën”, tha Haradinaj.

Sipas tij, nëse kjo situatë vazhdon në këtë avaz, ata do të detyrohen të iu drejtohen qytetarëve.

Kujtojmë se sonte në mesnatë përfundon afati për zgjedhjen e shefit të shtetit.