Hamza e qet një lojë shah me një pensionist, premton se s’do të ketë pension nën 200 euro

Kandidati i PDK-së për kryeministër, Bedri Hamza ka bërë të ditur se ka luajtur një lojë shah me një pensionist.

Me këtë rast ai premtoi se asnjë pension nuk do të jetë nën 200 euro, përcjell Klankosova.tv.

“Një lojë e mrekullueshme shahu me pensionistin Sylejman Hajdini. Në qeverisjen time, asnjë pension nuk do të jetë nën 200 euro. Pensionin bazik do ta rris për 70% dhe pensionet kontributdhënëse do të rriten dhe përshkallëzohen sipas viteve të punës”.

“Respekti dhe vlerësimi i shtetit për të moshuarit që i kanë përcjellë vlerat më të mira te gjeneratat e reja është obligim dhe do të jetë i garantuar”, ka shkruar Hamza në Facebook.