Gvardiol pranë rinovimit me Manchester Cityn deri në vitin 2031

Josko Gvardiol është shumë pranë vazhdimit të kontratës me Manchester Cityn deri në verën e vitit 2031.

Mbrojtësi kroat pritet të nënshkruajë një marrëveshje të re me kushte të përmirësuara financiare, ndërsa klubi anglez dëshiron ta blindojë një nga futbollistët më të rëndësishëm të skuadrës.

Sipas raportimeve të fundit, trajneri italian Enzo Maresca e konsideron 24-vjeçarin si një prej shtyllave kryesore të projektit të tij dhe ka kërkuar që drejtuesit të sigurojnë sa më shpejt rinovimin e kontratës së mbrojtësit kroat.

Interesimi i Real Madridit për Gvardiolin mbetet konkret, por Manchester City është i vendosur ta mbajë në “Etihad”, duke i ofruar një kontratë afatgjatë që do ta lidhte me klubin deri në vitin 2031. Negociatat janë në fazën përfundimtare dhe marrëveshja pritet të zyrtarizohet para nisjes së sezonit të ri./Klankosova.tv