Gjendet kapsula e kohës nën pemën 26-vjeçare

Një kapsulë kohore e varrosur nga një klasë e shkollës së mesme në Ohio të ShBA-së teksa ndihmonte në mbjelljen e një peme shelgu 26 vjet më parë, u gjet nga një ekip ndërtimi i angazhuar për të hequr pemën.

Peggy Bennett, mësuese tashmë në pension nga shkolla e mesme e Austintown, ishte e pranishme kur punëtorët zbuluan kapsulën e kohës që nxënësit e saj të klasës së shtatë e kishin varrosur gati tre dekada më parë në bulevardin Fitch në Austintown.

Ata ndihmuan në mbjelljen e pemës 26 vjet më parë, por tani ajo po hiqet si pjesë e një projekti për zëvendësimin e kanalit.

“Ajo pemë shelgu ishte 26 vjeç, dhe tani fëmijët janë 39 ose 40. Në fakt, shumica e fëmijëve janë nga klasa e diplomuar e Fitch nga viti 2003”, tha Bennett për WKBN-TV, transmeton Klan Kosova.

Bennett shtoi se kapsula e kohës, një enë e vjetër qumështi, mori pak ujë, por mbeti e paprekur. Ajo tha se planifikon të thajë përmbajtjen, e cila është kryesisht letër, për të parë nëse mund të lexohet ende.