Gërvalla në Kroaci, merr pjesë në Forumin e Dubrovnikut NULL NULL 29.06.2024 08:41 29.06.2024 08:41 Ministrja e Jashtme dhe Diasporës, Donika Gërvalla - Schwarz. Foto: Arkiv Me ftesë të Ministrit të Punëve të Jashtme të Kroacisë, Gordan Grliç-Radman, kryediplomatja kosovare, Donika Gërvalla, ka udhëtuar për në Kroaci për të marrë pjesë në Forumin e Dubrovnikut. Kjo platformë tashmë tradicionale paraqet një mundësi të mirë për diskutimin e sfidave aktuale të politikës ndërkombëtare. Gjatë këtij forumi, Gërvalla do të paraqesë qëndrimet e Kosovës rreth sfidave të paqes dhe stabilitetit në Evropë si dhe do të ndajë përvojën e vendit tonë me proceset e integrimeve euroatlantike dhe reformat e thella në sundimin e ligjit, ngritjen e standarteve të demokracisë dhe zhvillimin ekonomik. Ajo do të theksojë gjithashtu rëndësinë e rritjes së bashkëpunimit multilateral për tejkalimin e sfidave globale, transmeton Klankosova.tv. Bëhet e ditur se në margjina të Forumit të Dubrovnikut, Gërvalla do të zhvillojë edhe takime bilaterale me ministrat e jashtëm të vendeve pjesëmarrëse, me synim forcimin e marrëdhënieve dypalëshe dhe promovimin e interesave të Republikës së Kosovës në arenën ndërkombëtare. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Kurti pas vdekjes së Kadaresë: Anija e romaneve të tij do të lundrojë pafundësisht, për aq sa bota do të ketë lexues dhe shqipja shqiptarë 1 orë më parë
Kosova Gërvalla në takim me homologun kroat: Duhet të finalizohet anëtarësimi i Kosovës në KiE 23 orë më parë