Gazetarët në Kosovë, të kërcënuar e shantazhuar

Me rastin e shënimit të Ditës Ndërkombëtare të Lirisë së Shtypit, Instituti i Medias në Kosovë e mbështetur nga Ambasada Norvegjeze ka organizuar një takim në të cilin po diskutohet për lirinë e medias.

Kryetari i Institutit të Medias, Fazli Veliu tha se çështja e lirisë së shprehjes vazhdon të mbetet brengosëse se dhe gazetarët vazhdojnë të jenë të kërcënuar e shantazhuar.

Ky i fundit iu bëri thirrje institucioneve që të veprojnë për të hetuar kërcënimet ndaj gazetarëve.

Nga ana tjetër, ambasadori norvegjez në Kosovë, Jan Brathu tha se mediat në Kosovë dhe rajon vazhdojnë të jenë larg të qenit të kompletuar.

Diplomati norvegjez në këtë takim potencoi se Kosova ka ligje të mira porse sipas tij ato duhet të zbatohen.