Gashi për 100 eurot që i ndau Kurti: Ndërhyrje brutale në garë (VIDEO)

Arben Gashi nga Lidhja Demokratike e Kosovës ka kritikuar vendimin e Qeverisë për t’i ndarë 100 euro për fëmijët, studentët, punonjësit e sektorit joprivat në prag të zgjedhjeve të parakohshme të 7 qershorit.

Në emisionin ‘DPT te Fidani’ në Klan Kosova, ai tha se kjo është ndërhyrje e ashpër në garën zgjedhore.

Madje, sipas tij, është diçka për të cilën bashkë LDK-ja me VV-në kishin kritikuar atëbotë PDK-në sa kishte qenë kjo e fundit në pushtet.

“Fakti që ekonomia dhe shoqëria kosovare po vazhdon të jetë në krizë, dhe Qeveria e prano nëse thotë duhet me ua falë kah 100 euro kategorive të caktuara se nuk munden me mbijetu. Pra, ky është mesazhi që dërgohet, ndërkohë që dërgohet në kohë fushate e cila e bën të pabarabartë garën elektorale dhe e vendos në pozicion të ndryshëm qeverinë që duke tentu përmes këtij 100 euroshi me përfitu në votë”.

“Është prishje e barabarësisë në garë që na kur kanë qenë të tjerët në pushtet, kur ka qenë sidomos PDK-ja në pushtet, ne i kemi kundërshtu bashkë me Vetëvendosjen duke thënë që kjo është ndërhyrje brutale në garë, dëmton mekanizmat e demokracisë, dëmton garën e barabartë, dhe kjo ka dëmtu realisht në vazhdimësi çka po ndodh”, vijoi Gashi.