Gara e automobilizmit, femrat kosovare provojnë shpejtësinë (VIDEO)

Në Prishtinë u organizua gara e automobilizmit për femra.

Pjesëmarrëse në këtë garë ishte edhe kampionia e Kosovës në automobilizëm, Suzana Kuqi, por përpos kësaj të fundit, garuese ishte edhe deputetja e PDK-së Blerta Deliu.

Deputetja doli e treta në garë prapa Kuqit dhe Besa Morinës, transmeton Klan Kosova.

Këtë garë pjesëmarrëset e shohin si të mirëseardhur dhe mjaft sensibilizuese.

Ato bënë me dije se do të vazhdojnë me organizime të tilla.

Në fund të garës u ndanë edhe shpërblimet për fitueset.

Vendi i parë u shpërblye me 200 euro, vendi i dytë me 150 ndërsa i treti me 100 euro.

Kronikë nga Naim Selmani.