G7 po punon për një paketë masash të koordinuara kundër Iranit pas sulmit ndaj Izraelit

Kombet e industrializuara udhëheqëse të Grupit të Shtatë (G7) po punojnë për një paketë masash të koordinuara kundër Iranit pas sulmit hakmarrës me raketa dhe dron të së shtunës ndaj Izraelit, tha kryeministri i Mbretërisë së Bashkuar, Rishi Sunak.

“Ne po punojmë urgjentisht me aleatët tanë për të parë se çfarë hapash mund të ndërmarrim së bashku në një mënyrë të koordinuar për të penguar dhe dënuar atë që po bën Irani,” tha Sunak në parlament, duke përmendur diskutimet mes liderëve të G7 gjatë fundjavës, raporton The Guardian, transmeton Klankosova.tv.

“Unë fola me liderët e mi të G7, ne jemi të bashkuar në dënimin tonë të këtij sulmi.”