Fushata zgjedhore: Aktivitetet e partive politike

Teksa po i afrohemi zgjedhjeve të 9 shkurtit, partitë politike po vazhdojnë me oraret e ngjeshura përgjatë fushatës zgjedhore.

Sot, kandidati për kryeministër nga radhët e LDK-së, Lumir Abdixhiku, ditën e nis me tubim elektoral në Lipjan, duke vazhduar me takime me banorët e tre fshatrave të Shtimes, në Vojnoc, Muzeqinë dhe Rashnicë.

Abdixhiku do të takohet edhe me banorët e Komogllavës së Ferizajt, transmeton Klankosova.tv.

E kandidati për kryeministër i Partisë Demokratike të Kosovës, Bedri Hamza, sot mban tubim me përfaqësues të sektorit të arsimit.

Sakaq koalicioni për “Kosovën Fituese” mban tubime në Drenas e Prizren. AAK me partnerët e koalicionit do të mbajë edhe tubimet të tjera në fshatra, lagje qytetesh e bashkësi lokale.

Nga ana tjetër, Koalicioni për Familje do të mbajë tubim në Podujevë.